Ногоон чулуун суурьтай Борцгор хотон (Dalmatian pelican) сувинерийн хэмжээ:

Урт: 15 см

Өргөн: 10 см

Өндөр: 11 см

Бэлгийн хайрцагны хэмжээ:

Урт: 21, см

Өргөн: 21 см

Өндөр: 11,5 см

Овог. Хотонгийхон

Статус: Нэн ховор зүйл. Дэлхийн байгаль хамгаалах холбоо /цаашид “ДБХХ” гэх/-ны Улаан дансны ангиллын шалгуураар “устаж байгаа” зүйлд хамаарна.

Таних шинж: Бие том‚ 170 см, 13 кг хүртэл жинтэй. Ерөнхий зүс цагаан. Хүчирхэг‚ урт‚ үзүүр тийш нарийссан өргөн хошуутай. Хошуун дороо шар сарьсан ууттай. Орооны үед цул сарьс улаан болж хувирна. Хэвэл цагаан‚ нуруу бор сааралдуу‚ дагз‚ шилний өд буржгар‚ хөх саарал.

Tархац, байршил нутаг: Манай улсад нүүдлийнхээ үед Нууруудын хөндий‚ Завхан гол‚ Их нууруудын хотгорт тохиолдоно. Үржилд ороогүй бодгаль Увс, Хяргас, Баян‚ Өгий нуурт тааралдана. Загас‚ ургамал ихтэй томоохон нуур‚ голын адгаар өндөглөнө. Зэгс‚ тачирдуу ургамалтай усны шаваргүй эргээр амарна.

Амьдралын онцлог: Өвөлжсөн газраасаа IV сарын сүүл, V сарын эхээр нүүдэллэн ирнэ. Загастай, онгон зэлүүд том нуурын гүнзгий хоолойн эргээр зэгсний нөмөр бараадан цуглаж, хатсан зэгс‚ өвсний‚ ишээр метр шахам өндөр‚ 70-аад см өргөн үүр засна. Гурван нас хүрч, үржилд орно. V сарын дундуур шаргалдуу туяатай‚ цагаан 1-2, заримдаа 2-4 өндөг гаргана. Дөчин хоногийн дараа ангаахай гарч, арваад хоногийн дараа цагаан ноолуур өдөөр хучигдан, усанд сэлэх чадвартай болно. Ангаахай дал гаруй хоног болоод нисэж эхэлнэ. Энэ үеэс хотонгийн бүлүүд сүрэглэж, загас элбэгтэй нуураар X сар гартал хэсүүчилсээр, өвөлжих газрын зүгт нүүнэ.

Тоо толгой, хомсдох шалтгаан: Дэлхийд 3200-4300 хотон бий. 2010 оны 6 сард Хар ус нуурын Цагаан голын арлууд дээр 120-150 хотон тохиолдож байсан. Усны түвшин буурах‚ хэт ихсэх‚ нуурын эрэг, арлын ургамал талхлагдах зэргээс үүр‚ өндөг устана. Хүн ойртоход үүрээ удаан хугацаагаар орхиж явснаас цахлай‚ үнэг зэрэг амьтад өндөг‚ ангаахайг сүйтгэнэ. Хотонгийн хошуугаар хурдан морины хусуур хийдэг нутгийнхны заншил хотонгийн нөөцийг хомсдуулж‚ улмаар устахад хүргэх хандлагатай байна.

Хамгаалсан байдал: 1953 оноос агнахыг хуулиар хориглож, Амьтны тухай хуульд нэн ховор амьтнаар бүртгэж, Зэрлэг амьтан ба ургамлын аймгийн ховордсон зүйлийг олон улсын хэмжээнд худалдаалах тухай конвенц /CITES/, Зэрлэг амьтдын нүүдлийн зүйлийг хамгаалах тухай конвенц /CMS/ болон Олон улсын ач холбогдол бүхий ус, намгархаг газар, ялангуяа усны шувууд олноор амьдардаг орчны тухай конвенц /RAMSAR/-ийн жагсаалтад орсон Хар ус нуур, Орог нуур, Буйр нуур, түүний орчмын ус, намгархаг газар, Монгол улсын улаан ном /1987, 1997/-онд тус тус орсон. Тархац нутгийг Увс нуурын ай савын дархан цаазат газар, Хар ус нуурын байгалийн цогцолбор газар хэсэгчлэн хамрагдсан.

Дэлгүүрийн байршил:

УИД-н 6 давхарт, 8898-1100, 9912-7468
Хан-Уул Имарт 3-р давхарт, 8805-7965, 9656-0902
УИД зүүн хойно Гандирс хажууд, Мөнгөн талст Төв дэлгүүр, 9090-0800, 8099-0145

Хүргэлтийн утас: 8898-1100, 8988-1818, 8988-1819

#Танаас_Эхлэх_Түүх

#Go_Mongolia

Бүтээгдэхүүн олдсонгүй